初一早，
初二早，
初三澼到饱，
初四神落天，
初五假开，
初六摸，
初七摸，
初九敬天公，
初十伽蓝生，
十一十一福，
十二女儿返去拜，
十三人点灯，
十四结灯棚，
十五元宵瞑。
一、新年歌
初一早，初二巧，初三困到饱，初四顿顿饱，
初五隔开，初六挹肥，初七七元，初八原金，
初九天公生，初十有食食，十一请囝婿，
十二查某囝转拜，十三食泔糜仔配芥菜，
十四结登棚，十五上元瞑，十六拆灯棚。
二、十二生肖相歌
一鼠贼仔名，二牛驶犁兄。
三虎爬坪，四兔游东京。
五龙皇帝命，六蛇予人惊。
七马走兵营，八羊食草岭。
九猴爬树头，十鸡啼三声。
十一狗仔顾门埕，十二猪是菜刀命。
三、西北雨
西北雨，直直落。鲫仔鱼，欲娶某。
鮕代兄，拍锣鼓。媒人婆，土虱嫂。
日头暗，寻无路。赶紧，火金姑。
做好心，照路。西北雨，直直落。
西北雨，直直落。白鹭鸶，赶路。
翻岭，过溪河。寻无巢，跋一倒。
日头暗，欲怎好。土地公，土地婆。
做好心，带路。西北雨，直直落。
四、
ABD
ABD
狗咬猪，阿公仔坐飞机，
摔一下冷吱吱，叫医生共伊医，
医一下脚骨大细枝，医一下脚骨大细枝。
五、放鸡鸭
一放鸡，二放鸭，三分开，四相叠，五搭胸，
六拍手，七围墙，八摸鼻，九扭耳仔，十拾起，
啊～啊，放鸡鸭，鸡仔鸭仔，走相拍。
六、月光光
月娘月光光，老公仔伫菜园，
菜园掘松松，老公仔欲种葱，
葱无芽，欲种茶，茶无花，欲种瓜，
瓜无子，老公仔气甲欲死。
七、阿才
阿才阿才
,
天顶跋落
,
有嘴齿
,
无下颏
,
有眼睛
,
无肚脐
,
叫医生
,
叫抹
,
叫师公
,
扛去埋
八、阿妈的话
厝后一条溪，溪边一片地。
阿母想欲种菜头，阿爸想欲种西瓜。
阿母讲
:
菜头煮香香，呷饭有当配。
阿爸讲
:
西瓜甜甜汤阁济，会当提去卖。
两个抢抢滚，
阿妈才讲话
:
恁两个，毌当花，彼片地，我欲留乎阮孙放风吹。
九、一礼拜
礼拜一，暗顿呷饱爱做息。
礼拜二，磨墨举笔练大字。
礼拜三，妈
妈叫我逗洗衫。
礼拜四，去唱歌甲念诗。
礼拜五，爸爸带我去掘芋。
礼拜六，路边逗卖米台目。
礼拜日，归家出外曝日。
十、剖一半
西瓜剖一半，红到乎人金金看。
频果剖一半，芳到乎人嘴阔阔。
菠萝剖一半，酸到乎人留嘴澜。【银翌】
